Baixo o signo do franquismo

Email

Prezo
22,00 €
Prezo / kg:
Descrición

Ao longo dos séculos XIX e XX os vínculos entre Galicia e Bos Aires foron intensos, dinámicos e de efectos prolongados, condicio­nando a evolución das sociedades dun e outro lado do Atlántico. Tanto no oitocentos coma no novecentos os galegos constituíron o principal grupo inmigratorio español na Arxentina desde un punto de vista rexional.
A partir de 1936 a comunidade do noroeste hispánico localizada no país austral incrementouse e revitalizouse coa chegada dos exiliados que fuxían das condicións represivas impostas polo franquismo. Aqueles emigrantes que partiron por motivacións principalmente económicas non só se inseriron activamente na vida comercial e industrial do ámbito suramericano, senón que tamén reconstituíron un amplo tecido étnico que favoreceu a conformación dun notable movemento asociativo con importantes derivacións actuais. Os que saíron impulsados polo avance e consolidación das forzas nacionais deixaron unha forte pegada política e cultural, que se manifestou en publicacións de distinto tipo, producións artísticas e un extenso labor institucional. No caso arxentino, tanto as inmigracións de Galicia coma o exilio da mes­ma orixe desenvolvéronse de maneira imbricada e complementaria, de aí que nesta obra se propuxese un tratamento conxunto de ambos os dous fenómenos históricos, a partir da combinación de enfoques macro e microsociais e da utilización dunha rica variedade de fontes.

Autor/a:
Nadia de Cristóforis (coord.)
ISBN:
978-84-7824-609-0

Noticias

Novidades da Trabe